Rapper kutoka Tanzania Ambwene Yesaya alimaarufu AY, afunguka kuhusu ujio wa kampuni ya Usafirishaji aliyoipa jina la mtoto wake wa Kwanza na wa Pekee anayeitwa “Aviel”
Kupitia ukurasa wake wa Instagram Msanii huyo amewekawazi ujio wa Kampuni ambayo ameipa Jina la Mtoto wake wa Kwanza #Aviel na Kampuni hiyo ya Usafirishaji ikinaitwa “AvielSafari”
Bado hajaweka wazi ni lini na itajihusisha na Usafiri Gani … Endelea Kukaa Karibu na Page zetu za Mitandao ya Kijamii Tutakudondoshea Pindi Tu Atakapoitangaza Rasmi.
Msanii wa muziki kutoka Nigeria, Burna Boy ameamua kuwatolea uvivu waandaaji wa Tamasha maarufu duniani la Coachella akidai kuwa hawajamtendea haki namna walivyoandikwa jina lake.
Burna Boy
Burna Boy kupitia ukurasa wake wa Instagram, amesema kuwa yeye ni msanii mkubwa hapa Afrika lakini anashangazwa jina lake kuandika na maandishi madogo na kuchanganywa na wasanii wengine wadogo.
“Nakubali sana kazi zenu Coachella, lakini sikubaliani na namna mlivyoliandika jina langu kwenye tangazo lenu mmeweka maandishi madogo sana. Mimi ni msanii mkubwa barani na siwezi kupunguzwa kwa namna yoyote ile. Nawaomba mbadilishe mapema muwezavyo,“ameandika Burna Boy.
Jana Coachella walitangaza majina ya wasanii watakaotumbuiza kwenye tamasha la hilo na Afrika wametajwa wasanii wawili, Burna Boy na Mr Eazi.
Tangu zamani, Coachella wamekuwa na tabia ya kuandika font size kubwa kwa wasanii wakubwa na size ndogo kwa wasanii wa kawaida.
Kocha Mkuu wa Yanga, Mwinyi Zahera, ameamua kumvua kitambaa cha unahodha beki wa timu hiyo, Kelvin Yondani ‘Vidic’ baada ya kutohudhuria mazoezini pasipo kutoa taarifa.
Zahera raia wa Congo amemkabidhi kitambaa hicho nyota wake Ibrahim Ajibu kufuatia kitendo cha utovu wa nidhamu kilichofanywa na Yondani.
Beki huyo mwenye historia kubwa na Yanga kutokana na kudumu kwenye kikosi hicho kwa muda mrefu, mwanzoni mwa msimu huu alitangazwa rasmi kuwa nahodha wa timu hiyo akirithi mikoba ya Nadir Haroub ‘Cannavaro’ ambaye pia alikuwa akiitumikia nafasi kama hiyo awapo uwanjani.
Taarifa zinasema kuwa sababu kubwa ya kuvuliwa unahodha ni kutokana na kuchelewa mazoezini pamoja na ukimya.
‘’Niliwapa siku tano za mapumziko ili siku ya sita waje mazoezini lakini yeye hakutokea, amezima simu na amegoma,’’ amesema Zahera.
Mkongo huyo mwenye misimamo ameongeza ‘’Siwezi kumuacha mtu kama yule anayepaswa kuonyesha mfano kwa wengine afanye hayo, hivyo nimeamua nimvue unahodha na kuanzia sasa nahodha ni Ibrahim Ajibu,’’
Itakumbukwa kuwa Mwinyi Zahera alimkataa kikosini mwake mlindalango wa klabu hiyo, Beno Kakolanya kutokana na matatizo kama hayo ambapo mpaka sasa hajajiunga na timu.
Shirikisho la soka nchini Guinea (Feguifoot) limemchagua mamake kiungo wa kati wa Manchester United, Paul Pogba kuwa balozi wa soka la wanawake.
Uteuzi wa Yeo Moriba unajiri baada ya mkutano na rais wa shirikisho hilo Mamadou Antonio Souare.
Souare anatumai kwamba mchezaji huyo wa Ufaransa Paul na nduguze, Florentin na Mathias, watamsaidia mama yao katika jukumu hilo jipya.
Moriba amewahi kuichezea timu ya soka ya wanawake nchini Guinea.
”Najivunia kile ambacho shirikisho la soka la Guinea na rais wake limefanya”, aliambia tovuti ya Feguifoot.
Florentin na Mathias ambao wote walizaliwa nchini Guinea wameichezea timu ya taifa ya Guinea Syli Nationale, kabla ya Moriba kuhamia Ufaransa ambako Pogba alizaliwa.
Beki Florentin mara ya mwisho alichezea klabu ya Genclerbirligi. Huku Naye mshambuliaji Mathias akiendelea kuichezea klabu ya Ufaransa Tours.
Matumaini ni kwamba familia hiyo itafanikiwa kuimarisha hadhi ya soka ya wanawake nchini Guinea.
Ikilinganishwa na wenzao wanaume, timu hiyo ya wanaume haijawahi kufuzu katika kombe la Afrika, kombe la dunia ama hata michezo ya Olimpiki.
Jurgen Klopp anaamini nahodha wa Manchester City Vincent Kompany alifaa kupewa kadi nyekundu wakati wa mechi ambayo Liverpool walilazwa 2-1 uwanjani Etihad.
Kompany alionyeshwa tu kadi ya manjano kwa kumchezea visivyo mshambuliaji wa Liverpool kutoka Misri Mohamed Salah dakika ya 32.
Mchezaji huyo wa Ubelgiji alimkaba Mo Salah kwa kuruka miguu yake yote ikiwa hewani kana kwamba anateleza. Alimgonga Salah kwenye kifundo chake cha mguu.
Leroy Sane alifunga bao la ushindi dakika ya 72 na kupunguza uongozi wa Liverpool hadi alama nne.
Kompany aliondolewa uwanjani dakika ya 88 na nafasi yake akaingia Nicolas Otamendi.
“Nampenda sana Vincent Kompany lakini inakuwaje kwamba hiyo si kadi nyekundu?” Klopp alishangaa baada ya mechi.
“Ndiye mtu wa mwisho safu ya ulinzi anapomkabili. Akamgonga Mo vyema, basi hataweza kucheza tena msimu huu. Sio rahisi kwa mwamuzi na huenda hakuona nilivyoona mimi.”
Kompany alitofautiana na tathmini ya Klopp kuhusu tukio hilo lililotokea mambo yakiwa 0-0.
Kiungo wa kati wa Arsenal Aaron Ramsey, 28, ametia saini makubaliano ya awali ya mkataba na Juventus na huenda akajiunga na klabu hiyo ya Italia mwezi huu. (Sport Mediaset kupitia Calciomercato)
Ramsey ndiye mchezaji wa sasa aliyekaa muda mrefu zaidi Arsenal, alijiunga nao 2008
Mkurugenzi wa michezo wa klabu ya Sevilla Joaquin Caparros anasema klabu hiyo huenda ikawasilisha ofa kumtaka mshambuliaji wa Chelsea ambaye zamani alichezea Real Madrid na Juventus Alvaro Morata, 26. (Football.London)
Kwa mujibu wa BBC, Morata angependa kurejea Madrid iwapo ataondoka Stamford Bridge lakini anaweza tu kuruhusiwa kuondoka iwapo Chelsea watampata mshambuliaji mwingine wakati wa dirisha la kuhama wachezaji la Januari. (Sun)
Hatima ya Mesut Ozil Arsenal haitaamuliwa hadi mwisho wa msimu baada ya kiungo huyo wa miaka 30 na klabu hiyo kupuuzilia mbali uwezekano wake kuhama mwezi huu. (Evening Standard)
Chelsea watafanya uamuzi kumhusu mshambuliaji Tammy Abraham kufikia 14 Januari. Mchezaji huyo wa miaka 21 yupo Aston Villa kwa mkopo lakini anaweza kuitwa kurejea klabu yake wiki mbili baada ya dirisha la kuhama wachezaji kufunguliwa kutokana na maelezo kwenye mkataba wake. (Telegraph)
Chelsea wameamua kutomfuata mshambuliaji wa Argentina Gonzalo Higuain, 31, mwezi huu. Mchezaji huyo kwa sasa yupo AC Milan kwa mkopo kutoka Juventus. (Goal)
Cesc Fabregas hatakubaliwa kukamilisha uhamisho wake kwenda Monaco hadi Chelsea wapate kiungo wa kati wa kujaza nafasi ya Mhispania huyo wa miaka 31. (Calciomercato)
Mlinda lango wa Real Madrid Keylor Navas, 32, ambaye amekuwa akihusishwa na kuhamia Arsenal wiki za hivi karibuni, ameongeza muda wa mkataba wake katika klabu hiyo kwa mwaka mwingine mmoja, hadi Juni 2021. (Marca)
Bayern Munich wamewasilisha ofa ya tatu ya zaidi ya £30m wakimtaka kiungo mshambuliaji wa Chelsea Callum Hudson-Odoi, 18. (Sky Sports)
Beki wa Chelsea mzaliwa wa England Gary Cahill, 33, anakaribia kuhamia Fulham kwa mkopo. Klabu hiyo ya London magharibi imemrejesha Timothy Fosu-Mensah kwa Manchester United ili kutoa nafasi ya mchezaji mwingine ndipo waweze kumchukua Cahill. (Love Sport Radio)
Crystal Palace wamewasilisha ofa ya £6.5m kumtaka mchezaji wa Everton na Senegal Oumar Niasse, 28, baada yao kushindwa kumpata mshambuliaji wa Liverpool Dominic Solanke kwa mkopo. (Sun)
Paris St-Germain wamewasilisha ofa ambayo haiwezi kufikiwa na Barcelona kumtaka kiungo wa kati Frenkie de Jong, 21, na beki wa kati Matthijs de Ligt, 19, kutoka Ajax. (Marca)
Leicester wamepokea ofa kutoka kwa Villarreal ya Uhispania wanaomtaka Vicente Iborra, lakini klabu hizo bado hazijakamilisha mazungumzo kuhusu uhamisho wa Mhispania huyo mwenye miaka 30. (Leicester Mercury)
Chelsea wanapanga kutoa £36m kumtaka winga wa PSV Hirving Lozano, 23, anayetokea Mexico. (Calciomercato, kupitia Talksport)
Cardiff na Bournemouth wote wanamtaka beki wa Liverpool Nathaniel Clyne. Bournemouth wanamtaka mkabaji huyo wa miaka 27 kwa mkopo kwa kipindi kilichosalia cha msimu. (Mail)
Kiungo wa kati wa Liverpool Adam Lallana, 30, anatafutwa na klabu ya Fenerbahce ya Uturuki mwezi huu. (Caught Offside)
Meneja wa Tottenham Mauricio Pochettino amekataa kufutilia mbali uwezekano wa kiungo wa kati wa Ubeligji Mousa Dembele, 31, kuihama klabu hiyo mwezi huu. (Football.London)
Pamoja na Dembele, Tottenham wanataka kuwauza pia Fernando Llorente, 33, Vincent Janssen, 24, Georges-Kevin Nkoudou, 23, na Victor Wanyama, 27. (Mirror
Nottingham Forest wamehusishwa na kumnunua winga wa Portsmouth Jamal Lowe, 24. (Nottingham Post)
Meneja wa zamani wa Birmingham na Derby Gary Rowett huenda akalazimika kuzuia kushindwa mechi ya Kombe la FA ugenini Shrewsbury Jumamosi ili kunusuru kazi yake kama meneja wa Stoke. (Telegraph)
Christian Eriksen anagoma kutia saini mkataba mpya Tottenham, huku mkataba wa sasa wa kiungo huyo wa kati wa Denmark mwenye miaka 26 ukitarajiwa kufikia kikomo baada ya miezi 18. (Evening Standard)
Juventus wamethibitisha kwamba wameonyesha nia ya kumtaka kiungo wa kati wa Arsenal Aaron Ramsey, 28, bila kulipa ada yoyote baada ya mkataba wake kumalizika mwisho wa msimu. (Sky Sports)
Wolves wamewasilisha ofa ya £18m kumtaka mshambuliaji wa Chelsea Tammy Abraham, 21, ambaye kwa sasa yupo kwa mkopo katika klabu ya Aston Villa inayocheza ligi ya Championship. (Sun)
Bournemouth watamruhusu mshambuliaji wa England Jermain Defoe kuondoka klabu hiyo Januari. Mchezaji huyo wa miaka 36 amechezeshwa mara nne pekee kama nguvu mpya ligini msimu huu. (Sky Sports)
Chelsea wanapanga kuendelea kuimarisha kikosi chao mwezi huu hata baada ya kumnunua Christian Pulisic. The Blues bado wanamtaka mshambuliaji wa Bournemouth Callum Wilson, 26, na pia wanamtafuta beki mpya. (Mirror)
Liverpool wanapanga kumpa mshambuliaji wa wao Daniel Sturridge, 29, mkataba mpya. (Mail)
MENEJA wa mkali wa Bongo Fleva, Rajabu Abdul Kahali maarufu kama Harmonize, Mr Puaz ameacha rasmi kazi ya umeneja kwa msanii huyo; kisa ni kutokuwa na maelewano naye.
Baada ya kusikika kwa tetesi hizo Risasi Mchanganyiko lilimtafuta ‘mzee baba’ huyo ili aweze kuzungumzia kusepa kwake na mwelekeo wake mpya wa kikazi.
“Ni kweli kwa sasa mimi na Harmonize hatufanyi kazi pamoja kwa sababu ya kupishana kauli; lakini haimaanishi mimi na WCB hatufanyi kazi au hatutafanya kazi.
“WCB ni familia yangu ambayo ukaribu wangu na wao ulitokana na urafiki wangu na Diamond hivyo siwezi kuiacha, panapo kuwa na nafasi ya mimi kuhitajika kutoa mchango wangu nitaendelea kutoa kama mwanafamilia,” alisema meneja huyo ambapo Harmonize alipotafutwa jitihada ziligonga mwamba kwa sababu simu yake iliita bila kupokelewa.
BAADA ya kila msanii kuoneakana kufanya kazi kivyake, staa wa Bongo Fleva, Amani Temba ‘Mheshimiwa Temba’ amesema Kundi la TMK Wanaume litarudi na kuanza kazi ya muziki kama lilivyokuwa zamani.
Kuthibitisha hilo, Temba alisema anatarajia kuandaa kolabo moja matata mwaka huu wa 2019 ili kurudisha rasmi kundi hilo.
“Nitawalea wimbo ambao utakuwa na vichwa vyote vya TMK Wanaume niliousimamia mimi, nataka kukata kiu ya mashabiki waliokuwa wanatamani kutuona pamoja,” alisema Temba.
Alisema wanatarajia ujio wao huo kuwa wa tofauti kwa kubadilisha mfumo wa utendaji wa kazi kutoka wimbo kuwa na dakika tano na kuwa dakika tatu.
Kundi la TMK Wanaume lilikuwa likiundwa na mastaa kibao wakiwemo Temba, Juma Nature, Y Dash, Chegge, Inspector Haroun, Dolo, Rich One na KR.
Kundi hilo lilianza kugawanyika kwa baadhi ya mastaa wakiongozwa na Nature, Dolo, Rich One na KR kujitoa kundini na kuanzisha kundi lao la Wanaume Halisi.
KIUNGO mshambuliaji wa Yanga, Ibrahim Ajibu, amekuwa msaada mkubwa kwa mshambuliaji Heritier Makambo ambaye kwa sasa anaongoza kwa ufungaji akiwa na mabao 11 kwenye Ligi Kuu Bara msimu huu.
Ajibu ambaye mpaka sasa ana asisti 13 msimu huu, amehusika katika mabao manne kati ya 11 yaliyofungwa na Makambo.
Katika jumla ya mabao 35 ambayo Yanga imeyafunga mpaka sasa kwenye ligi hiyo ikiwa na pointi 50 kileleni, Ajibu ameonekana kumtengenezea Makambo nafasi nyingi za kufunga kuliko mchezaji yeyote kikosini hapo.
Asisti ambazo Ajibu amempatia Makambo mpaka sasa ni katika mchezo dhidi ya Coastal Union ambao ulichezwa kwenye Uwanja wa Taifa ambapo Yanga iliibuka na ushindi wa bao 1-0.
Pia katika mchezo dhidi ya Alliance ambao nao ulichezwa Uwanja wa Taifa, Yanga walishinda mabao 3-0, Ajibu alimpa asisti moja Makambo. Mechi dhidi ya Ruvu Shooting iliyochezwa Uwanja wa Taifa, Yanga walishinda 3-2 na Ajibu alimpa Makambo asisti moja, huku asisti ya nne ya Ajibu kwa Makambo ilikuwa kwenye mchezo dhidi ya Mbeya City ambapo Yanga ilishinda 2-1 kwenye Uwanja wa Sokoine, Mbeya.
KOCHA mkuu wa Simba, Mbelgiji, Patrick Aussems amesema katika mechi zao 24 za Ligi Kuu Bara zilizobaki, hawatafungwa kwenye uwanja wao wa nyumbani kwa lengo la kuipiku Yanga na kutetea ubingwa wao.
Mbelgiji huyo alisema kuwa licha ya wapinzani wao Yanga kuwa juu katika msimamo wa ligi hiyo siyo kigezo cha wao kushindwa kutetea ubingwa wao.
Yanga inaongoza msimamo wa ligi kuu kwa pointi 50 baada ya mechi 18 huku Simba ikiwa na alama 33 katika michezo 14 ikiwa na viporo vinne.
Kikosi cha timu ya Simba.
Katika mechi 24 ambazo Simba imesalia kuzicheza msimu huu imesaliwa na mechi takribani 13 dhidi ya Azam (2), Yanga, Mbao, Mtibwa Sugar, Coastal Union, KMC, Kagera Sugar, JKT Tanzania, Ndanda, Mwadui FC, Ruvu Shooting, Biashara United mechi hizo zote zitachezwa katika Uwanja wa Taifa jijini Dar es Salaam.
Akizungumza na Championi Jumatano, kocha huyo alisema kuwa mahesabu ya kushinda mechi za nyumbani ni muhimu ili kutetea ubingwa wa Ligi Kuu Bara msimu wa mwaka 2018/19.
“Sina hofu na spidi ya Yanga katika ligi na Azam hawanitishi sababu mpango wangu baada ya mechi ya Singida ni kushinda mechi zote ambazo tutakuwa katika uwanja wa nyumbani mpaka msimu unamalizika katika mechi 24 zilizosalia.
“Timu yangu itakaposhinda mechi zote za nyumbani ni wazi nafasi ya kutetea ubingwa kwetu iko palepale na ni lazima kupambana kwa hilo sababu ndiyo nafasi pekee ambayo tumesalia nayo ili msimu ujao tushiriki tena michuano ya kimataifa kama ilivyo sasa,” alisema Mbelgiji huyo.
Ni Faiq Bolkiah. Anachezea club ya leicester city reselve team. Katika umri wa miaka 20 anamiliki utajiri wa US$ 20 billion. Ni nephew wa sultan wa Brunei.
Huku tikiingia katika mwaka mpya, mashine ya uvumi wa uhamisho imerudi.
Iwapo unafukuzia kushinda ligi, unataka kupanda daraja, ama kujaribu kuzuia kushushwa daraja, wakufunzi wote watawategemea wenyekiti wa vilabu vyao kuwapatia fedha kuwasajili wachezaji wapya watakaoleta tofauti muhimu katika timu zao.
Paul Pogba , Isco, Adrien Rabiot ni miongoni mwa wachezaji wanaohusishwa na uhamisho.
BBC Sport inawaangazia baadhi ya wachezaji ambao huenda wakahama mwezi Januari.
Ligi kuu ya Uingereza
PAUL POGBA (25, kiungo wa kati, Manchester United)
Haki miliki ya pichaGETTY IMAGESImage captionJe ni maombi ya kutaka kuhamia klabu nyegine?
Anahusishwa na uhamisho wa: Juventus, Barcelona, Paris St-Germain.
Jina kubwa katika orodha yetu.
Mchezaji huyo ambaye alikuwa mchezaji ghali zaidi wakati alipokuwa akijiunga na Manchester United kutoka Juventus kwa dau la $89m mwaka 2016 amezongwa na ripoti kwamba huenda muda wake katika klabu ya Old Trafford unaisha kwa mara ya pili mwezi huu wa Januari.
Baada ya kuwachwa nje katika kikosi cha kwanza cha United mwezi Disemba , ikiwemo dhidi ya Liverpool , bingwa huyo wa kombe la dunia amevutia klabu kama vile Juventus kukiwa na ripoti za ombi la dau la £125m huku klabu za Barcelona pamoja na PSG zikidaiwa kummezea mate.
Lakini kuondoka kwa mkufunzi Jose Mourinho , ambaye alikuwa na uhusiano mbaya naye, umeinua matokeo ya klabu hiyo ya Old Trafford na inasubiriwa kuona iwapo mchezo wake utazidi kuimarika ama la.
DANNY DRINKWATER (28, kiungo wa kati, Chelsea)
Anahusishwa na uhamisho wa West Ham, Fulham.
Mshindi wa ligi ya Premier , Uhamisho wa Drinkwater hadi Chelsea haikufanyika kwa mpango mzuri- hakuorodheshwa katika kikosi cha mechi za ligi ya Ulaya.
Aliwahi kushirikishwa katika kombe la Community Shiled ambapo Chelsea ilipoteza kwa manchester City na ameambiwa na mkufunzi maurizio Sarri kwamba anweza kuondoka.
Mchezaji huyo mwenye umri wa miaka 28 kutoka Chelsea anaweza kuongeza nguvu katika safu ya kati na uwezekano wa yeye kujiunga tena na mkufunzi wake wa zamani Claudio ranieri katika klabu ya Fulham upo juu.
GARY CAHILL (33, beki, Chelsea)
Anahusishwa na uhamisho wa : Arsenal, AC Milan, Aston Villa, Fulham.
Cahil ni mchezaji mwengine wa Chelsea ambaye ameshindwa kunazishwa katika kikosi cha kwanza chini wa ukufunzi wa mkufunzi Maurizio Sarri, Cahill hachezeshwi na ameambiwa yuko huru kuondoka.
Akiwa na kiwango cha juu cha uzoefu katika klabu na kimataifa pamoja na kuishindia Chelsea makombe mengi, Cahil hawezi kukosa maombi kutoka vilabu vikubwa ndani ya ligi ya Uingereza, vilabu bingwa na hata pengine klabu za ligi ya Serie A nchini Itali.
Kwengineko bayern Munich wameripotiwa kuwasilisha ombi la $21m kumsajili kinda wa Chelsea Calklum Hudson-Odoi, huku wachezaji w enza kama vile CEsc Fabregas, Victor Moses na Andreas Christensen pia wakitarajiwa kuondoka katika klabu hiyo.
BRAHIM DIAZ (19, kiungo wa kati, Manchester City)
Diaz atakamilisha kandarasi yake msimu huu na anakasirishwa na kukosa kuchezeshwa.
Mchezaji huyo wa Uhispania mwenye umri wa miaka 21 ni mmoja wa wachezaji wachanga wa taifa hilo wenye mafanikio makubwa siku za usoni na huenda akafuata Jadon Sancho kwa kujaribu bahati yake nje ya lkigi ya Premia.
Ripoti kutoka uhispania zinasema kiuwa mabingwa wa ligi hiyo Real Madrid wamekubaliana na mchezaji huyo kwa uhamisho wa dau la £13.6m huku mchezaji huyo akitarajiwa kupokea mishara wa £60,000 kwa wiki.
JERMAIN DEFOE (36, mshambuliaji, Bournemouth)
Anahushishwa na uhamisho : Crystal Palace, Nottingham Forest, Sheffield United, Wigan.
Mchezaji wa Uingereza wa zamani Defoe amekuwa hachezeshwi msimu huu akishiriki dakika 30 pekee katika ligi ya Uingereza.
Akiwa amefunga magoli 162, Defoe ni mfungaji mzuri na anaweza kucheza kwa muda mfupi kwa ytimu inayohitaji mshambuliaji licha ya umri wake.
DOMINIC SOLANKE (21, mshambuliaji, Liverpool)
Anahusishwa na uhamisho wa : Crystal Palace, Huddersfield, Brighton.
Solanke, ambaye ameichezea Uingereza mara moja, hajapokea nafasi ya kuiwakilisha Liverpool , baada ya kushindwa kuonyesha mchezo mzuri.
Pia tunaangalia iwapo kipa Simon Mignolet atasalia Anfiled , huku mchezaji huyo wa Ubelgiji akiwa wa pili nyuma ya Alisson.
ADRIEN SILVA (29, kiungo wa kati, Leicester)
Anahusishwa na uhamisho wa: Sporting Lisbon.
Haki miliki ya pichaGETTY IMAGESImage captionWill Niasse sign for Cardiff or Huddersfield?
Anahusishwa na uhamisho wa : Cardiff, Huddersfield, Crystal Palace.
Niasse alifunga magoli manane akiichezea Everton msimu uliopita lakini sasa amekuwa akicheza kama mchezaji wa ziada na amecheza mechi nne pekee katika ligi na sasa ameorodjheshwa miongoni mwa wachezaji ambao wanaweza kuondoka katika klabu hiyo.
Huku Niasse akiwa amesajiliwa kwa dau la £13m mwaka 2016 , mkufunzi Marco Silva atalazimika kukubali dau la chini ili kuweza kumuuza mshambuliaji huyo wa Senegal , ambaye anaweza kunoa makali ya safu za ushambuliaji za Cardiff na Huddersfiled.
Mchezaji mwenza James McCarthy amerudi katika hali yake baada ya kuvunjika mkuu mara mbili na pia huenda akaruhusiwa kuondoka kwa mkopo.
Haki miliki ya pichaGETTY IMAGES
Anahusishwa na uhamisho wa : Tottenham, RB Leipzig.
Licha ya kuanza kucheza mwezi Agosti, kinda wa Norwich Aaron amedaiwa kuwa beki bora chipukizi katika ligi ya manbingwa nchini Uingereza. mchezo mzuu wa timu yake umevutia klabu za ligi kuu ya uingereza Tottenham ambao wanaweza kuwasilisha ombi la £15m pamoja na klabu ya Ujerumani RB Leipzig.
NEAL MAUPAY (22, mshambuliaji, Brentford)
Anahusishwa na uhamisho wa: Huddersfield.
Brentford huenda inang'ang'ania kusalia katika ligi hiyo ya mabingwa , lakini mchezaji wa Ufaransa Maupay amekuwa aking'ara baada ya kufunga magoli 14 na kutoa usaidizi wa magoli mengine sita msimu huu.
Huku Huddersfield ikiwa ndio timu yenye magoli machache katika ligi ya Uingereza , Maupay anaweza kutoa usaidizi mkubwa wa magoli kwa dau la a £10m move.
JARROD BOWEN (22, winger, Hull)
Anahusishwa na uhamisho wa : Cardiff, Fulham, Leeds.
Mchezaji mwengine anayeonyesha mchezo mzuri katika timu isiojiweza kimchezo.
Bowen alikuwa mchezaji wa Hull na mchezaji anayeoungwa mkono na mashabiki wa klabu hiyo na amefunga magoli manane katika kampeni hiyo.
Je winga huyo atafurahia kutondoka katika klabu ya Hull na kujiunga na klabu kama vile Cardiff ama Fulham ambao wanapata shida katika ligi kuu ya Uingereza?
LLOYD KELLY (20, defender, Bristol City)
Anahusishwa na uhamisho : Liverpool, Manchester United.
Mchezaji wa timu ya vijana ya Uingereza Kelly amekuwa mchezaji bora katika ligi hiyo ya ligi ya mabingwa.
Akielezewa na meneja Lee Johsnon akama mchezaji hatari, kelly mwenye kasi kubwa huenda akajiunga na klabu moja katika ligi kuu iwapo ataendelea na mchezo huo mzuri.
